13 ஆக., 2011

#FamousLies ட்வீட் தொகுப்பு


ட்விட்டரில் #FamousLies என்ற பட்டி(tag)யில் நம் மக்கள் கீச்சியதில் கவர்ந்த சிலவற்றை இங்கே தொகுத்துள்ளோம்..
வாசித்து மகிழுங்கள்.

பொண்ணு மகாலட்சுமி மாதிரி இருப்பா...


ஒரு ரூபாய் சம்பளம்


பவர் ஸ்டார்!


ஐயோ கொல்றாங்களே.. கொல்றாங்களே..


பெண்கள்தான் அழகு


pmkram :
இங்கே அலை கடலெனத் திரண்டிருக்கும் மக்களே


ஒரே வாரத்தில் சிகப்பழகு


உங்க வீட்டுக்கு விஷேசத்துக்கு வரணும்ன்னு நினைச்சேன்.


கச்சா எண்ணெய் விலை ஏற்றத்தால்,டீசல்,பெட்ரோல் விலை ஏற்றம்.


இப்பல்லாம் யார் சார் ஜாதி பாக்கறா


பட்சி


மொபைல சைலன்ட்டுல போட்டுடேன், இப்ப தான் பார்த்தேன்
     1 min ago


உளவுத்துறை தகவல்கள்..


நம்பிக்கை வாக்கெடுப்பு.. மந்திரிகள் வெளிநடப்பு..


மக்களோடு மட்டும் தான் கூட்டணி


சட்டத்திற்கும்,கட்சி கொள்கைகளுக்கும் கட்டுப்பட்டு..


பத்து நிமிஷத்துல அங்க இருப்பேன்


வானிலை அறிக்கை


toviji :
வலைவீசி தேடினார்கள்


சே, சே பரவாயில்லை


எங்கள் கூட்டணி பலமாகவே உள்ளது..


நான் ஒரு நடுநிலைவாதி..


50 பைசா , 1 ரூவா, சில்லறை இல்ல


மத்திய அரசுக்கு கடிதம்


முதல்வர் ஆசை இல்லை


மாப்ளைக்கு எந்த கெட்ட பழக்கமும் இல்லை


கருப்பா இருந்தாலும் களையா இருப்பான்/ள்


Guess Post by கரையான்


11 ஆக., 2011

ட்விட்டரில் புதிய நண்பர்களை தேட

 

  ட்விட்டர் சக்திவாய்ந்த ஒரு சமூக ஊடகமாக பரிணமித்துள்ளது. ட்விட்டர் தளம் உரையாடல்களை அனுமதிக்கிறது. ஆனால் யாருடனாவது உரையாட நீங்க அவரை பின்தொடர (Follow) வேண்டியுள்ளது. நீங்கள் யாரையும் பின்தொடராத பட்சத்தில் உங்கள் காலவரிசை (TimeLine) வெறுமையாகத்தான் இருக்கும். ஒருமுறை நீங்கள் சிலரை தொடர்வீர்களேயானால் ட்விட்டர் என்பது உங்களுக்கு மிகப் பிடித்ததாகவும், உபயோகமானதாகவும் மாறிவிடும். உங்கள் கருத்துக்களைப் பகிரவும், கேள்விகள் கேட்கவும், இசை, செய்திகள் போன்ற பல விஷயங்களுக்கான Real time Update களைப் பெறவும் முடியும். ஆனால் நல்ல, சிறந்த ட்வீப்ஸ் (ட்விட்டர் உபயோகிக்கும் மக்கள்)’ஐ கண்டுபிடிப்பது என்பது  புதிதாய் ட்விட்டர் உபயோகிக்க தொடங்கியவர்களுக்கு கொஞ்சம் சிரமமானதாகத்தான் இருக்கும். ஆனால் இது தீர்வு இல்லாத ஒரு விஷயம் அல்ல.
  ட்வீப்ஸ்’ஐ கண்டுபிடிக்க பல வழிகள் உள்ளன. அவற்றில் சிலவற்றை இங்கு தொகுத்துள்ளேன். இவை உபயோகமானதாக இருக்கும் என நம்புகிறேன்.


     Twitter People Search : ட்விட்டர் வலைத்தளம் வழங்கும் “Built In” வசதி. இதன் மூலம் நீங்கள் தேடும் ஒருவரை எளிதில் கண்டு பிடிக்க முடியும். இது ட்விட்டர் ஹேண்டில் பெயர் மட்டுமல்லாமல் “Bio” வில் இருக்கும் அவரின் நிஜப்பெயரையும் சேர்த்து தேடுகிறது, நிஜப்பெயரை நிச்சயம் பகிரவேண்டும் என்று ட்விட்டர் எந்த ஒரு நிபந்தனையையும் விதிக்காததால் உங்கள் தேடுதல் கொஞ்சம் சிரமமாகிறது. இருந்தாலும் உங்கள் முதல் தேடுதலைத் தொடங்க இது ஒரு நல்ல இடமே. நம்முடைய விருப்பங்களின் அடிப்படையில் வகைபடுத்தப்பட்ட தேடல் அல்லது த்விட்டரின் மேம்படுத்தப்பட்ட தேடல் உதவலாம்.


     Tweepz : இடம், வேலை போன்ற தனிப்பட்ட விஷயங்களை ட்விட்டர் சேகரிக்காததால் எந்த ஒரு ட்வீப்ஸ் தேடுதல் தளமும் துல்லியமான தேடுதல் முடிவுகளை தருவதில்லை. இருந்தாலும் இந்த தளத்தை பயன்படுத்தி குறிப்பிட்ட விஷயங்களின் அடிப்படையில் நம் தேடுதலை செய்யமுடியும் (உதா. பெயர், இடம், Bio...). தேடல் முடிவுகளை இடம், தொடர்வோர் எண்ணிக்கை போன்றவற்றின் அடிப்படையில் வகைப்படுத்திக்கொள்ள முடியும். இதை போன்றதொரு தளம் TweepSearch.


      TwitDir : இதுவும் மற்றொரு தேடுதளம். இதன் மூலம் ஒவ்வொரு category பிரிவிலும் முன்னணியில் இருக்கும் நபர்களை தேட முடியும்..


     Twibs : வர்த்தக நிறுவனங்களின் ட்விட்டர் கணக்குகளின் தொகுப்பாக இந்த தளம் உள்ளது. இதனால் நேரடியாக நீங்களே அவற்றின் வாடிக்கையாளர் சேவை பகுதியை தொடர்பு கொள்ள இயலும்.


     Twellow : இந்த தளத்தின் மூலம் உங்களை போலுள்ள ட்வீப்ஸ்’ஐ கண்டறிய முடியும். இத்தளம் ஒரு டைரக்டரி’யாக செயல்படுகிறது. 6 மில்லியன் ட்வீப்ஸ் இத்தளத்தில் பதிந்துள்ளனர். குறிப்பிட்ட ப்ரோஃபைல் முதல் அனைத்து விதமான தேடல்களையும் இத்தளத்தின் உதவியுடன் செய்ய முடியும். உதா. நீங்கள் கணினித்துறை நண்பர்களை தேடுகிறீர்களே’யானால் அந்த வகையறா (Category)வில் தேடும் வசதி இத்தளத்தில் உள்ளது.


     WeFollow : இத்தளம் HashTag களின் அடிப்படையில் செயல்படுகிறது. இதுவும் ஒரு டைரக்டரி போன்றே செயல்படுகிறது. உபயோகிப்பாளர்கள் (ட்வீப்ஸ்) அவர்களின் தகவல்களை இத்தளத்தில் பதிந்து கொள்ளலாம். ஒவ்வொருவரும் குறைந்த பட்சம் மூன்று #Hashtag கில் தன்னை இணைத்துக் கொள்ளலாம். இதன்மூலம், அதே #hashtag கில் இருக்கும் உங்களை போன்ற ட்வீப்ஸ்’ஐ எளிதில் அடையாளம் கண்டு அவர்களை தொடரலாம்


     Just Tweet It : இதுவும் ஒரு “User Created” டைரக்டரியாக செயல்படுகிறது. நமக்கு தேவைப்படும் ஆட்களை அந்தந்த வகையறா(Category)வில் தேடி அவர்களை இணைத்துக்கொள்ளலாம். மேலும் நம்மையும்  எந்த வகையறாவிலும் இணைத்துக்கொள்ளலாம். Twellow & WeFollow ஐ போல சிறப்பாக ஒழுங்கு படுத்தப் பட்டது இல்லை என்றாலும் பொதுவான தேடல்களுக்கு இது நல்ல தளம்.


   இவை மட்டுமல்லாது த்வீப் களை நாம் பின்பற்றுவோரின் நண்பர்களின் நண்பர்களில் தேடி, குறிச்சொற்கள் மூலம் தேடி பரிந்துரை செய்யும் சில தளங்கள் உள்ளன.
      1. Who To Follow
      2. Twubble
      3. Twitterel
      4. who should i follow;
      5. Mr.Tweet
      6. Twitter Adder
      7. Monitter
      8. Twubble


   சமீபகாலமாக ட்விட்டரை உபயோகிக்கும் நபர்களின் எண்ணிக்கை பல மடங்காக உயர்ந்துள்ளது. மற்ற சமூக வலைத்தளங்களைப் போலில்லாமல் ட்விட்டர் பல வகைகளில் உபயோகமானதாக உள்ளதால் பல புதியவர்கள் தங்களை ட்விட்டரில் இணைத்து வருகின்றனர். கஸ்டமர் சர்வீஸ் முதல் வேலை தேடுவது வரை பல அசாதாரண உபயோகங்களுக்கும் ட்விட்டர் பயன்படுகிறது. நம் ஊரில் நம் அருகில் இருக்கும் மக்களுடன் நல்ல தொடர்பிலிருக்கவும் ட்விட்டர் உதவுகிறது. நாம் எங்கிருந்தாலும் நம் ஊரில் நடக்கும் செய்திகள், அரசியல் இன்னும் பல விஷயங்களை இதன் மூலம் அறியலாம். உதாரணமாக நீங்கள் சென்னையில் இருக்கிறீர்கள் என்று வைத்துக்கொண்டால் லாஸ் ஏஞ்சல்சில் இருக்கும் ஒருவரால் உங்களுக்கு சென்னையில் இருக்கும் ஒரு சிறந்த உணவகத்திற்க்கான வழியைக் கூற இயலாது. இதற்கு சென்னையில் வசிக்கும் ஒருவரின் உதவி உங்களுக்கு தேவைப்படுகிறது. உங்கள் அருகாமையில் இருக்கும் ட்வீப்ஸ்’ஐ கண்டறிவதற்கான சில வழிகளை இங்கு காணலாம்.


     Twitter Search : அருகாமை ட்விட்டேர்களை தேட இருக்கும் வழிகளுள் ஒன்று, ட்விட்டர் தேடல். ட்விட்டர் தேடலின் “Advanced Search” இல் உள்ள “Near this place” ஆப்ஷனின் மூலம் நமது இந்தத் தேடல் எளிதாகிறது. ட்விட்டர் தேடலில் உங்களின் நகரத்தின் பெயரை கொடுத்து தேடுவதன் மூலம் ட்விட்டரின் “Real time stream” இல் அந்த நகரம் தேடப்பட்டு தேடலின் முடிவுகள் உங்களுக்கு கொடுக்கப்படும். தேடல் முடிவுகள் ட்வீப்ஸ்’களின் Bio வில் இருக்கும் நகரத்தின் அடிப்படையிலும், ஒருவேளை அவர்கள் போனிலிருந்து ட்வீட்’டும் பட்சத்தில் அவர்களின் இடத்தினையும் சார்ந்திருக்கும்.


     Twellowhood : Twellow தளத்தில் வழங்கப்படும் ஒரு டைரக்டரி வசதியாகும். Twellow என்பது ட்விட்டரின் Yellow Pages போல் ஒரு டைரக்டரியாக செயல்படுகிறது. இதன் மூலம் ஒரு பெயரையோ, தலைப்பையோ தேட முடியும். TwellowHood என்பது Twellow டைரக்டரியின் ஒரு இடம் சார்ந்த தேடலுக்கு வழிவகை செய்கிறது. இதன் மூலம் உங்களுக்கு அருகாமையில் இருக்கும் ட்விட்டர் உபயோகிப்பாளர்களைத் தேட முடியும்.  உபயோகிப்பதற்கு எளிதான இத்தளத்தில், தோன்றும் வரைபடத்தில் குறிப்பிட்ட பகுதியை பெரிதாக்கிப் பார்ப்பதன் மூலம் அந்த இடம் சார்ந்த ட்விட்’டுகளையும் ட்விட்டர்’களையும் அடையாளம் காண முடியும். மேலும் அவர்களின் சமீபத்திய ட்வீட்டுகளை பார்த்து அவர்களை நீங்கள் தொடரவும் இத்தளம் வழிவகை செய்கிறது.


     Local Tweeps : ஹேஷ் டேக்’கின் உதவியோடு ட்வீப்ஸ்’ஐ ஒருங்கிணைக்கும் ஒரு முயற்சியாகும். ஒவ்வொரு ட்விட்டரும் இத்தளத்தில் தங்களின் பின்கோட்’ஐ இணைத்துக்கொண்டு, பிறகு நம் இருப்பிடம் சம்மந்தப்பட்ட ட்வீட்டுகளில் #lt என்னும் ஹேஷ் டேக்’கை இணைக்க வேண்டும். இத்தளம் இத்தகைய ட்வீட்டுகளை கண்டறிந்து அவற்றை இடம் வாரியாக வகைப்படுத்தி அத்தளத்தில் அவ்விடத்திற்கான பகுதியில், அந்த ட்வீட்’களை தொகுக்கிறது. இதன் மூலம் குறிப்பிட்ட இடத்தை சார்ந்த ட்வீப்ஸ்’ஐ எளிதில் அடையாளம் காண முடியும்.


     TwitterLocal : Adobe AIR (it will run on Windows, Mac, and Linux) ஆகும். ஒரு குறிப்பிட்ட இடம் சார்ந்த ட்வீட்’டுகளை கண்டறிந்து இத்தளம் தொகுக்கிறது. ட்விட்டரின் Real-time Stream லிருந்து ட்விட்டர் தேடலின் அடிப்படையில் ஒரு இடத்தை தேடி, அதற்கான ட்வீட்’களை தொகுக்கிறது. நீங்கள் உங்கள் இடத்தை இதில் பகிர்வீர்களேயானால், இத்தளம் உங்கள் இடம் சார்ந்த, அருகாமைலிருந்து செய்யப்படும் ட்வீட்ஸ்’ஐ உங்கள் பார்வைக்கு எடுத்து வருகிறது. இதன்மூலம், உங்களை போலுள்ள, உங்கள் அருகாமை ட்வீப்ஸ்’ஐ கண்டறிந்து அவர்களை உங்களால் தொடர முடியும்.


     Nearby Tweets : ட்விட்டர் தேடலின் ஒரு மேம்படுத்தப்பட்ட வசதியாகும். இத்தளம் உங்களின் இடத்தை அதுவாகவே கண்டறிந்து, உங்களுக்கு அருகாமையிலிருக்கும் ட்வீட்ஸ்’களையும், ட்வீப்ஸ்’களையும் தொகுக்கிறது. இத்தளத்தில், உங்களால் இடம், இடத்தை சுற்றி தேடவேண்டிய சுற்றளவு, தேடவேண்டிய முக்கிய வார்த்தைகள் போன்றவற்றை மாற்றிக்கொண்டு உங்கள் தேடலை மேம்படுத்த முடியும்,. இதன் மூலமும் உங்கள் அருகாமை ட்வீப்ஸ்’ஐ நீங்கள் தொடர முடியும். இதைப் போன்று மற்றதொரு தளம் Chirp City


     TwitterHolic : உங்கள் உள்ளூர்/அருகாமை டாப்-ட்விட்டர்களை அறிந்துகொள்ள முடியும். உங்களின் TwitterHolic பக்கத்திற்கு சென்றால் உங்கள் அருகாமையில்/உள்ளூரில் உங்களின் ரேங்க் தெரிவிக்கப்படும். அதனருகில் இருக்கும் இடத்திற்கான சுட்டியை க்ளிக்கி உங்கள் அருகாமையில் இருந்து ட்வீட்டும் டாப்-ட்வீப்ஸ்’ஐ கண்டறிய முடியும்.


     Local Follow : இத்தளத்தின் மூலம் location, bio, name, keyword அடிப்படையில் த்வீப் களை தேட முடியும்.


     City Tweets : உலகின் பல்வேறு நகரங்களை சேர்ந்த த்வீப் களை தேடி தொகுத்து உள்ளார்கள். கிட்டத்தட்ட 52 நகரங்கள் அகர வரிசை படுத்தப்பட்டுள்ளன. உங்களது நகரத்தையும் இணைத்து கொள்ள வேண்டுகோள் விடுக்கலாம்.

   Tweet Up என்பது ட்விட்டர் மூலம் கிடைத்த நண்பர்களை ஓரிடத்தில் ஒருங்கிணைத்து ஒரு  கூட்டம் போடுவதாகும். இதன் மூலம் புதிய நட்புகள் வளரவும், நமது நட்பை அடுத்த பரிணாமத்திற்கு எடுத்துச் செல்லவும் முடியும். அதற்கான சில வழிகள் இங்கே.

     Twtvite : அழைப்பு சார் ட்விட்டர் சேவை ஆகும். இதிலிருக்கும் பல ட்வீட்-அப் களின் அடிப்படையில் உங்கள் நகரத்திலும் ஒரு ட்வீட்-அப் ஐ நிகழ்த்திட முடியும். இத்தளம் நீங்கள் அழைப்பு விடுத்த நபர்களுக்கு நினைவூட்டல் ட்வீட் அனுப்பி விடும்.

     Meetup : இத்தளத்தில் ட்வீட்-அப்’பிற்கென்றே தனி பக்கம் ஒதுக்கப்பட்டுள்ளது. ஒவ்வொரு நகரிலும் நடக்கும் ட்வீட்-அப்’கள் இதில் வரிசைப் படுத்தப்பட்டுள்ளன. இதில் பதிந்து கொள்வதன் மூலம் நமக்கும் ட்வீட்-அப்கள் குறித்த அப்டேட்கள் கிடைக்கப் பெறலாம்.

   ஐ-போனிற்க்கான ட்விட்டர் அப்ளிகேசன்’கள் பலவற்றிலும் அருகாமையிலுள்ள ட்விட்டர்களையும், ட்விட்டுகளையும் கண்டறியும் வசதி செய்யப்பட்டுள்ளது. எல்லா அப்ளிகேசன்’னும் செயல்படும் விதம் ஒன்றே. உங்களுடைய இடத்தை(Geo Location) கண்டறிந்து அதனடிப்படையில் தேடுதலை செய்கிறது. இடம் சார்ந்த தேடல்களை செய்ய வல்ல இலவச ட்விட்டர் அப்ளிகேசங்கள் சில : Twinkle - TwitterFon

   மேற்கண்ட தளங்கள் தமிழகத்து த்வீப் களை தேட உதவுமா என்பது ஐயமே! ஆதலால் தமிழ் த்வீப் களுக்கென தனியாக ஒரு டைரக்டரி எழுதிக் கொண்டுள்ளோம். விரைவில் எதிர்பார்க்கலாம். இந்த தொகுப்பினை உங்கள் நண்பர்களுடன் பகிர்ந்திட கீழ்காணும் ட்வீட் பொத்தானை அழுத்தவும்.

  Guest Post by Arjun

5 ஆக., 2011

ட்வீட்டரில் நிழற்படங்களை பகிர்ந்திடும் வழிகள்


ட்வீட்டர் (Twitter) இன்றைய இணைய உலகில் பிரபலமாகி விட்ட சமூக வலைத்தளம்., நிமிடத்துக்கு நிமிடம், இருக்கின்ற இடத்திலிருந்தே, உங்கள் நண்பர்களுக்கு நிகழ்கால உங்களின் உலகை காட்டிக் கொண்டே இருக்கலாம். நிகழ்காலத்தை காட்டுவது வார்த்தைகளாகத்தான் இருக்கவேண்டுமென்பது இல்லை. புகைப்படங்களாகவும் இருக்கலாமே. Smart Phones அலைபேசிகள் வழி  ட்வீட்ட தொடங்கி விட்டோம். அதில் எடுக்கப்படும் புகைப்படங்களை பகிர்ந்து கொள்வது எப்படி? இதோ சில எளிய வழிமுறைகள்

ட்விட்டர் பக்கத்தில் நேரிடையாக புகைப்படங்களை இணைக்க முன்பு வழியில்லாவிட்டாலும், இப்போது இயலும். ட்விட்டர் முகப்பு பக்கத்தில் ட்வீட் பெட்டிக்கு கீழே ஒரு கேமரா போன்ற ஒரு சிறிய icon காணப்படும் அதை சொடுக்குங்கள். பின்பு திறக்கும் விண்டோவில் நீங்கள் பகிர நினைக்கும் போட்டோவை தேர்ந்தெடுத்து கொள்ளுங்கள், அந்த படத்தின் Preview உங்களுக்கு தெரியும். வாசகங்கள் ஏதும் சேர்க்க விரும்பினால் அதை சேர்த்து எப்பொழுதும் போல Tweet பொத்தானை அழுத்தினால் உங்கள் போட்டோ பகிரப்படும்

பல்வேறு இணையதளங்கள் இதே வசதிகளை உங்களுக்கு அளிக்கின்றன. ஒவ்வொரு நாளும், புதிய புதிய இணையதளங்கள், பயன்பாட்டுக்கு வருகின்றன., கீழ்க்கண்ட சில வலைத்தளங்களில், மிக எளிதாக உங்கள் புகைப்படங்களை வலையேற்றிவிடலாம்.

TwitPic : பல்வேறு பிரபலங்கள் உட்பட அதிகமான ட்வீட்டர் பயனாளர்களை கொண்டுள்ள இந்த வலைத்தளம், அமெரிக்காவில் ஹட்சன் ஆற்றில் விமானம் விழுந்தபோது எடுக்கப்பட்ட புகைப்படத்தை ( http://twitpic.com/135xa ) ஒருவர் பகிர்ந்ததால் மிகவும் புகழ்பெற்றது. உங்கள் ட்வீட்டர் ஐடியை வைத்து உள் நுழைந்து, உங்கள் புகைப்படங்கள் மற்றும் காணொளிகளை வலையேற்றிவிடலாம். முதல்முறையாக, உங்கள் ட்வீட்டர் பயனர் கணக்கை (User Account) வைத்து உள்நுழையும்போது, அதை அங்கீகாரம் (Authorize) செய்ய சொல்லி ட்வீட்டர் கேட்கும். அங்கீகரித்து உள்நுழைந்து, Upload என்ற பொத்தானை அழுத்தினால், உங்கள் படங்களை கணினியில் இருந்து வலையேற்றுவதற்க்கான ”Browse” பொத்தானையும், கீழே அந்த புகைப்படம் சம்பந்தமான கருத்துக்களை சொல்வதற்க்கான பெட்டியை காணலாம். நிமிடங்களில் வலையேற்றி, ட்வீட்டரிலும் பகிர்ந்துகொள்ள ”Post To Twitter Account” என்பதை தெரிவு செய்தால் போதுமானது.


YFrog : மிகவும் புகழ்பெற்ற ImageShack நிறுவனத்தினரால் நடத்தப்படும் இந்த தளமும், மிகவும் எளிமையான வழிமுறைகளை கொண்டுள்ளது. மேலே குறிப்பிட்ட படி, உங்கள் ட்வீட்டர் பயனர் கணக்கை கொண்டு உள் நுழையுங்கள், புகைப்படத்தை வலையேற்றம் செய்யுங்கள், ட்வீட்டரில் பகிர்ந்து கொள்ளுங்கள்!!


TweetPhoto : Plixi என URL-ல் இயங்கி வந்த இந்த தளம், தற்போது Lockerz என்ற URL-ல் இயங்குகிறது Seesmic போன்ற புகழ்பெற்ற ட்வீட்டர் ஒருங்கிணைப்பு தளங்களால் பயன்படுத்தப்படும் இந்த தளம், FaceBook மற்றும் ட்வீட்டரில் ஒரே நேரத்தில் படங்களை பகிர்ந்து கொள்ள அனுமதிக்கிறது.




Pikchur : பல்வேறு இயங்கு தளங்களில் சிறப்பாக செயல்படும் இந்த தளம், FaceBook, Twitter, FriendFeed, Tumbler மற்றும் Flickr போன்ற சமூகவலைத்தளங்களில், உங்கள் புகைபடங்களை ஒருங்கிணைந்து பகிர பயபடுகிறது. தனியாக பயனர் கணக்கு தொடங்கியோ அல்லது, ட்வீட்டர் / பேஸ்புக் ஆகியவற்றின் பயனர் கணக்குகளை கொண்டோ உள் நுழைந்து, படங்களை வலையேற்றலாம்.


TwitGoo : பல்வேறு ட்வீட்டர் பயன்பாட்டுதளங்கள் அல்லது ட்வீட்டர் நிரலிகளால் (Third Party Tools) பயன்படுத்தப்படும் இந்த தளம், Mac மற்றும் BlackBerry இயங்குதளங்களிலும் சிறப்பாக செயல்படக்கூடியது.

பிற வலைத்தளங்களின் மூலமாக ட்வீட்டரில் புகைப்படங்கள் பகிர்வதைப் பார்த்தோம். நிமிடங்களில், மின்னஞ்சல் மூலமாகவும், உங்கள் கைபேசியில் எடுத்த புகைப்படங்களை குறுஞ்செய்தி மூலமாகவும் கூட ட்வீட்டரில் பகிர்ந்து கொள்ளலாம். இதற்கும் பல வழிகள் உள்ளன.


TwitXR : உங்கள் கைபேசியிலிருந்தே, அதில் உள்ள புகைப்படங்களை வலையேற்ற உதவும் இத்தளம், பல்லாயிரம் ட்வீட்டர் பயனாளர்களால் பயன்படுத்தப்படுகிறது. ட்வீட்டர் மட்டுமல்லாது, ஃபேஸ்புக், ப்ளாக், ஃபிளிக்கர் ஆகியவற்றிலும் இதன் மூலம் படங்களை பகிர்ந்து கொள்ளலாம். ஆப்பிள் நிறுவனத்தின் ஐபோன், விண்டோஸ் கைபேசிகள், நோக்கியா மற்றும் மோட்டோரோலா வகை கைபேசிகள் சிறப்பாக செயல்படக்கூடியது. உங்கள் கைபேசியின் உலாவியில் m.twitxr.com என்ற வலைப்பக்கம் சென்று உங்கள் பயனர் கணக்கு மூலம் புகைப்படங்களை வலையேற்றலாம். உங்களுக்கென்று தனியாக ஒரு பயனர் கணக்கு உருவாக்கினால், உங்களுக்கான மின்னஞ்சல் முகவரியை இந்த தளம் வழங்கும். அந்த மின்னஞ்சல் முகவரிக்கு, உங்கள் புகைப்படங்களை இணைத்து, மின்னஞ்சல் Body பகுதியில், புகைப்படம் சம்பந்தமான உங்கள் கருத்துக்களை 140 எழுத்துக்களில் குறிப்பிட்டு, மின்னஞ்சல் அனுப்பினால் போதும் உங்கள் புகைப்படம் ட்வீட்டரில் பகிரப்படும்.


TwitPic : மேலே பார்த்த இந்த வலைத்தளம், உங்களுக்கென்று தனியாக ஒரு மின்னஞ்சல் முகவரியை வழங்கும். அதாவது, உங்கள் ட்வீட்டர்பயனர்கணக்கு.XXXX@twitpic.com என்று இருக்கும். இந்த மின்னஞ்சல் முகவரிக்கு, உங்கள் படங்களை இணைத்து, Subject பகுதியில் 140 எழுத்துகளில் உங்கள் கருத்துக்களை குறிப்பிட்டு, மின்னஞ்சல் அனுப்பினால், உங்கள் ட்வீட்டர் பக்கத்தில், புகைப்படம் பகிரப்படும்


MobyPicture : மிகவும் இலகுவான, அதே சமயம் குறைந்த பாதுகாப்பு கொண்ட இந்த முறையில், உங்கள் புகைப்படங்களை ட்வீட்டரில் பகிர்ந்து கொள்ளலாம். ட்வீட்டர் பயனர்கணக்கு.பயனர்குறிச்சொல்@mobypicture.com (TwitterUserName.TwitterPassword@mobypicture.com) என்பதற்க்கு மின்னஞ்சல் அனுப்பினால், உங்கள் புகைப்படங்கள் நிமிடங்களில் உங்கள் ட்வீட்டர் பக்கத்தில் பகிரப்பட்டுவிடும். உங்கள் ட்வீட்டர் கணக்கின் பயனர் கணக்கு விபரங்களை குறிப்பாக குறிச்சொல்லை பகிர்ந்து கொள்வதால், ஒரு முறைக்கு / இரு முறை சோதித்த பின்னர் பயன்படுத்தவும்.




நீங்கள், மேலே குறிப்பிட்டவைகளை காட்டிலும் வேறு ஏதேனும் சிறப்பான முறையில் ட்வீட்டரில் படங்களை பகிர்ந்து கொள்கிறீர்களா? எங்களுக்கு சொல்லுங்கள்.



Guest Post By Santhappan

3 ஆக., 2011

தமிழ் எழுதும் வழிகள்

தமிழில் எழுதலாம் வாருங்கள்! இப்பக்கம் இணைய இணைப்புடனோ, இல்லாமலோ கணிப்பொறி மற்றும் அலைபேசியில் தமிழ் ஒருங்குறி (unicode) யில் எழுத சாத்தியப்பட்ட (யாமறிந்த) வழிகளின் தொகுப்பாகும்!

1. தங்கள் அலைபேசியில் தமிழ் வாசிக்க opera mini தரவிறக்கிடுங்கள். அதன் address bar ல் opera:config அல்லது config: என தட்டச்சுங்கள், வரும் settings பக்கத்தின் அடியில் Use Bitmap fonts for complex scripts என இருக்கும் அதற்கு yes என தேர்வு செய்து save செய்திடவும். இப்போது உங்கள் அலைபேசியின் opera mini உலவியில் தமிழ் பக்கங்களைப் படிக்க இயலும். அறிக opera mini தமிழில் படிக்க மட்டுமே உதவும். உங்கள் அலைபேசியில் தமிழ் மொழி உள்ளீடாக இருந்தால் மட்டுமே தமிழில் உங்களால் எழுத இயலும். அலைபேசியில் தமிழ் எழுதும் வழிகளை கீழே தொகுத்துள்ளேன். Skyfire உலவியில் தமிழ் வாசிக்க இயலும் ஆனாலும் அது அவ்வளவு சிறப்பாக இல்லை. மற்றைய ucweb , snaptu etc போன்றவை ஒருங்குறியை ஆதரிப்பது இல்லை. அலைபேசியின் மொழிகளை மட்டுமே ஆதரிக்கின்றன.

2. தங்கள் கணினியில் இணைய இணைப்பின்றி தமிழ் எழுத கீழ்காணும் மென்பொருள்களைப் பயன்படுத்தலாம்
 i. Indian Language Input Tool: MSN ILIT for XP  , Windows 7
 v. Adhiyaman
 vii. Visai Tamil
 viii. Google IME
 ix. Azhagi
 x. Min Olai
 xi.Suratha save this page for offline use
 xii. Tamil99 keyboard Softwares

3. இணைய இணைப்பில் தமிழ் எழுத கீழ்காணும் வழிகளை தெரிவு செய்யலாம்
a) Google Transliteration IME . தமிங்கிலத்தில் தட்டச்சு செய்து தமிழுக்கு மாற்றிடலாம். இதை உங்கள் இணைய உலவியில் இணைக்கும் முறை help here
     b) கூகிள் குரோம் உலவிக்கான Extension
     c) பயர்பாக்ஸ் உலவிக்கான TamilVisai நீட்சி
     d) யாஹூ Tamil99 தட்டச்சு Widget
     e) Epic Browser தமிழ் ஆதரிக்கிறது
     f) அதியன் Firefox PLugin
     g) இணைய தமிழ் எழுதிகள் :
iii. UCedit
vii. Branah
தமிழ் ட்விட்டர் portal கள்
     h) அலைபேசிக்கான தமிழ் எழுதிகள்
          i. Eegarai
அலைபேசியில் ஈகரை யந்திரம் போன்ற தமிழ் எழுதிகளை பயன்படுத்த ucweb mobile browser தான் சிறந்தது! Key combination கள் இங்கே
iv. Google's Script Converter
இவை இரண்டும் opera mini ல் எளிதாக உள்ளன.

4. உபுண்டு 10.x களில் software manager - synaptic manager சென்று scim ஐ நிறுவுக. உபுண்டு 11.x களில் iBus நிறுவுக. மேலும் Tabuntu அல்லது Tamil Open Office யினைத் தேர்ந்தெடுக்கலாம்

5. விண்டோஸ் இயங்குதள கணினிகளில் இருக்கும் OSK (ON Screen KeyBoard) தனை தமிழ் எழுதியாக மாற்றிக் கொள்ளலாம் வழிமுறைகள் Windows XP ல் Windows 7 ல் . அதற்கு முன் கணினியில் ஒருங்குறி அமைத்திடுக help here

6. Mac கணினிகளில் தமிழ் தட்டச்ச :
- settings (இடது மூலையில் உள்ள Apple icon)
- system preferences
- Language & Text
- Edit List (list of language options)
- check தமிழில்
தமிழ்ஆங்கிலம் மாறிக்கொள்ள Alt+Space யினை அழுத்தவும். 2004 Mac OS 10.4 இயங்கு தளத்திலிருந்து முரசு அஞ்சல் இணைத்தே வெளியிடப்படுகிறது

7. அலைபேசிக்கான தமிழ் எழுதிகள் :
 a) ஐபோன் / ஐபாட் :
 i. Sellinam  முகப்பு பக்கம் here
 ii. Tamil SMS
 b) ஆண்ட்ராய்ட் :
 i. Tamil Visai 
தமிழ் எழுத்துரு இங்கே எழுதியவர் கிருஷ்
 c) நோக்கியா :
 i. IndiSMS  Cnet Link
 ii. IndiSMS  GetJar Link
 iii. Panini Keypad .sis
 iv. Tamil SMS
பெரும்பாலான நோக்கியா அலைபேசிகளில் தமிழ் எழுத இயலும். அப்படி தமிழ் இல்லையென்றால் IndiSMS பயன்படுத்தலாம் N series அலைபேசிகளில் சிறப்பாக வேலை செய்யும். அல்லது அருகிலுள்ள Nokia Care சென்று தங்கள் அலைபேசிக்கு தமிழ் உள்ளீடு செய்து கொள்க.
 d) சோனி எரிக்சன் :
 i. Panini Tamil .jar file
 iii. Omnius-Server
 iv. IndiSms
சோனியில் தமிழ் ஆதரவு அதிகம் இல்லை. மேற்கண்ட Language File ஐ உள்ளிட FirmWare Update செய்ய வேண்டும். Omnius server மூலம் Flash செய்து தமிழ் உள்ளிடலாம் ஆனால் அது சிரமமான வேலை. Panini Tamil .jar மென்பொருள் Java அலைபேசிகளில் உள்ளிட இயலும். நான்காவதாக கொடுக்கப்பட்டுள்ள சுட்டியில் IndiSms ன் அனைத்து version களும் கொடுக்கப்பட்டுள்ளது. Nokia, Sony, Samsung, Motorola, LG போன்ற அலைபேசிகளுக்கு. இவற்றின் மூலம் தமிழ் எழுதினாலும் அதை preview செய்து பார்க்க TamilTweet தேவைப்படும் , வடிவமைத்த தோழர் கிருபா சங்கர்  அவர்களுக்கு நன்றி.
QuillPad என்றொரு மென்பொருள் உள்ளது. இலவசமல்ல. சோதித்து பார்க்கப்படவில்லை. மிக மகிழ்ச்சியான சேதி கூகிள் தமிழ்  மொழிபெயர்ப்பை துவங்கி விட்டது. வார்த்தை அமைப்புகள் சிறப்பாக இல்லை. பிற்காலத்தில் இன்னும் சிறப்பாக வரும் என நம்பலாம்.
e) ப்ளாக் பெர்ரி :  தமிழ் உள்ளிடும் முறை விளக்கம் இங்கே

8. தமிழ் உள்ளீடுள்ள அலைபேசிகள் :
GPRS:
i. Nokia C3,C5 (Install Language File! Tested!)
ii. Nokia N73(Using IndiSMS, Tested!)
iii. Sony j108i
iv. Nokia 6030
Non-GPRS:
i. Nokia 1650
ii. Nokia 1280
iii. Nokia 5030
iv. Nokia 1616
v. Nokia 2690
vi. Nokia 2700
vii. Nokia 2370
viii. Nokia 5130

9. ஒருங்குறி உள்ளீட :
 ஒருங்குறி font களை இங்கே தரவிறக்கி கொள்ளலாம் Linux  மற்றும் Windows . ஒருங்குறி எழுத்துருகளை உள்ளிடுவதில் சிரமம் இருந்தால் முதலில் Supported Files  களை நிறுவிக்கொள்ளவும் . விண்டோஸ் அல்லாத பிற இயங்குதளங்களுக்கும் WikiPedia Help Here   தமிழ் எழுதி பழக தட்டச்சு பலகை இங்கே.
தமிழ் எழுத வேறு வழிகள் இருப்பின் தயை கூர்ந்து தெரிவிக்கவும். இந்த பதிவை தொகுத்தவன் மட்டுமே நான், நூற்றுக்கும் மேற்பட்ட நண்பர்களின் உதவியோடு தான் இது சாத்தியப்பட்டது. தமிழில் எழுதுங்கள் த்விட்டுங்கள். ட்விட்டரை தமிழகத்தின் கட்டற்ற ஊடகமாக்கலாம்.
தயை கூர்ந்து இந்த பதிவை உங்கள் நண்பர்களுக்கும் பரிந்துரைத்து அவர்களையும் தமிழில் எழுதச்செய்யுங்கள். RT செய்க
Post By Karaiyaan


ட்விட்டரில் பாடல்களைப் பகிர்ந்திட பல வழிகள்



இணையம் வாயிலாக விரைவாக, எளிதாக மற்றும் உடனடியாக தகவல்களை பகிர்ந்து கொள்ளும் வழிகளில் அதிமுக்கியமான ஒன்றாக ட்விட்டர் நிலைபெற்றுள்ளது. புதுமையான வழிகளில் பயனர்கள் புகைப்படங்கள், காணொளிகள் மற்றும் ஆவணங்கள் உள்ளிட்ட பல்லாயிரக்கணக்கான பயன்பாட்டு கோப்புகளை ஒருங்கிணைத்து வெறும் 140 எழுத்துகளுக்குள் பகிர்ந்துகொள்ள உதவுகிறது. இசை மற்றும் பாடல்களைப் பகிர்ந்திடவும் டிவிட்டரில் பல வழிகள் உள்ளன. அவற்றில் சிறந்த சிலவற்றை பார்ப்போம்.

Song.ly : ரஷ்ய ஊடக தேடல் இயந்திரமான Tagoo-வால் இயக்கப்படும் டிவிட்டர் இசைப்பகிர்வு சேவை. ஒரு பாடகர் அல்லது பாடலை தேடி நீங்கள் டிவீட் பொத்தானை அழுத்தியவுடன், அந்த பாடலுக்கான குறுக்கப்பட்ட சுட்டி மற்றும் பாடல் பற்றிய வர்ணனையுடன் கூடிய டிவீட் தானாகவே உருவாக்கப்பட்டு உங்கள் டிவிட்டர் பக்கத்தில் பகிரப்படும். IE மற்றும் FireFox ற்கான நீட்சி, நிரலாக்க இடைமுகம் போன்றவையும் இதில் உண்டு.

Tinysong : P2P முறையில் இயங்கும் Grooveshark எனும் இசைப்பகிர்வு தளத்திற்கான அடிப்படை சுட்டி குறுக்கியாகும். தேவையான இசையை எடுத்தாள இது மிகப்பெரிய இசை நூலகமாக இருப்பது சிறப்பு. டிவிட்டறுடன் இறுக்கமாக ஒருங்கிணைக்கப் படவில்லை என்பதே குறை. இசை அல்லது பாடலை தேடுதல், பின் தேர்வு செய்தல், பின்பு அதற்கான குறுக்கப்பட்ட சுட்டியை டிவிட்டரில் பகிர்ந்து கொள்ளுதல் என பயன்படுத்துவது மிக எளிது.. மேலும் API நிரலாக்க இடைமுகம் இதில் இருப்பதால் நிரலாளர்கள் மற்றும் பதிவாளர்களால் எளிதில் நிரலிகளுடன், பதிவுகளுடன் ஒருங்கிணைக்க முடிகிறது.

Twisten.fm : Tinysong தளத்தைப் போலவே இதிலும் Grooveshark நூலகத்திலிருந்து பாடல்களை தேடித் தேர்வு செய்யும் வசதி உள்ளது. ஆனால் மேற்கொண்டு இரண்டு விதமான பகிர்தல்களுக்கு இதில் இடமுண்டு. ஒன்று நீங்கள் கேட்டுக் கொண்டிருக்கும் பாடலை நேரடியாக தளத்திலிருந்து பகிர்வது, மற்றொன்று உங்கள் நண்பர்கள் கேட்டுக் கொண்டிருக்கும் பாடல்களை கண்காணித்து உங்கள் Twitter Timelineல் ஓடச்செய்வது.




Blip.fm : டிவிட்டர் பாணியிலேயே இசைக்கென்றிருக்கும் சேவை தளம். டிவிட்டரைப் போலவே பயனர்கள் சமகாலத்தில் பாடல்களை ஒருவருக்கொருவர் பரிமாறிக் கொள்ளும் வசதி இதில் உண்டு. டிவிட்டர் தளத்துடனும் ஒருங்கிணைந்து, உங்கள் கணக்கு (synchronize) ஒத்திசைக்கப் பட்டவுடன் ஒரே தட்டலில் பாடல்களை நண்பர்களுடன் பகிர்ந்து கொள்ளும்படி செய்கிறது. டிவிட்டரின் retweet சேவையைப் போன்றே reblipping எனும் வசதி இதில் உள்ளது. பயனர்கள் தங்களை ஒத்த இசைச்சுவை உடையவர்களை கண்டு கொள்வதோடு சமகால வானொலி நிலையம் போன்றதொரு இசைக் கோவையையும் உருவாக்கி கொள்ள முடியும்.


SongTwit : இதில் imeem மற்றும் youtube தளங்களிலிருந்து பாடல்களை தேடவும், mp3 பாடல்களின் சுட்டிகளைக் குறிக்கவும், MP3 M4A WAV WMA OGG அல்லது ACC வகை இசைக் கோப்புகளைப் பதிவேற்றவும் முடியும். உங்கள் பாடலுக்கான குறுக்கப்பட்ட சுட்டியுடன் மீதமுள்ள 115 எழுத்துக்களில்
உங்களுக்கான செய்தியை நீங்களாகவே நிரப்பி டிவீட் செய்ய வேண்டும்.

Twittytunes : yahoo வினுடைய foxytunes இசை இயக்கியிற்கான Firefox உலவியின் துணை நீட்சியே TwittyTunes. பாடல் பாடப்பட்டிருக்கும் பொழுது TwittyTunes பொத்தானை ஒரே முறை அழுத்துவதன் மூலம் பயனர்கள் தாங்கள் கேட்டுக் கொண்டிருக்கும் பாடலை மற்றவர்களுக்கு டிவிட் மூலம் தெரியப்படுத்தச் செய்கிறது. இத்தகைய டிவீட்டுகளில் பாடல்களுக்கான நேரடிச் சுட்டிகள் இருப்பதில்லை. மாறாக பாடல், பாடகர்களைப் பற்றிய Foxytunes தகவல் தளங்களின் துண்டுப் பிரதிகள், இசை காணொளிகளின் இணைப்பு சுட்டிகளைக் கொண்டிருக்கும்

Imeem : இசைச்சேவையை அளிக்கும் தளங்கள் சிலவற்றில் "இதை டிவீட்டு" (tweet this) எனும் ஒரு பொத்தான் இணைக்கப் பட்டிருப்பதைக் காணலாம். அத்தளங்கள் இந்த மிகபெரிய இசை நூலக தொகுப்பு தளத்தைச் சார்ந்தே செயல் படுகின்றன. இது ஒரு மிகவும் எளிய வழிமுறை. நீங்கள் ஒரு பாடலை கேட்டுக் கொண்டிருக்கும் பொழுது அதை பற்றி டிவீட்ட இந்த "tweet this" பொத்தானை அழுத்தினால் போதும். பாடல் மற்றும் பாடகரின் விவரங்களை அடங்கிய imeem தளத்தின் சுட்டி உங்கள் டிவிட்டர் பக்கத்தில் பகிரப் படும்.

Twiturm : விசிறிகளுடன் தங்களது இசைக்கோப்புகளை பகிர்ந்து கொள்ள விரும்பும் இசைக்கலைஞர்களை இலக்காக கொண்ட ஒரு சேவை தளம் twiturm. இதில் "urm" என்பது "ur music" அதாவது உங்கள் இசை என்பதைக் குறிக்கிறது. இந்த தளமானது பயனர்கள் தங்கள் இசைக் கோப்புகளை பதிவேற்றவும், இணையத்தில் ஏற்கனவே உள்ள பாடல்களைக் தேடவும், அவற்றின் சுட்டிக் குருக்கிகளை டிவிட்டரின் மூலம் twiturm பக்கத்தில் பகிர்ந்து கொள்ளவும் உதவுகிறது. பார்வையாளர்கள் பாடல்களை கேட்கவும், retweet செய்யவும், தரவிறக்கம் செய்யவும் முடியும். அது மட்டுமேயன்றி பாடல் எவ்வளவு முறை கேட்கப்பட்டது, தரவிறக்கப் பட்டது போன்ற புள்ளி விவரங்களையும் பெற முடியும்.

Twt.fm : OAuth எனப்படும் திறந்த அங்கீகார முறை கொண்டு டிவிட்டர் தளத்துடன் நம்மை இணைக்கிறது. உங்கள் இசை டிவீட்டுகள் மட்டும் அடங்கிய தனி பக்கத்தை ஃபிளாஷ் இயக்கியுடன் உதவியுடன் மறு உருவாக்குகிறது. SoundCloud, Imeem போன்ற தளங்களிலிருந்து பாடல்கள், Youtube லிருந்து காணொளிகள் தேடவும், சுட்டிகளை குறுக்கி நேரடியாக இணைக்கவும் முடியும். சிலநேரங்களில் துரதிர்ஷ்டவசமாக பாடகர்கள் அல்லது பாடல் வரிகள் ஏதேனும் ஒன்றை மட்டுமே கொடுத்து தேடும் வாய்ப்பில்லாமல் பாடலின் முழுப்பெயர் மற்றும் பாடகர்கள் விவரத்தை மிகச்சரியாக கொடுக்க வேண்டியிருக்கிறது.




Musebin : உங்களுக்கு பிடித்த இசைத்தொகுப்புகள், பாடல் தொகுப்புகள் போன்றவற்றை இசைக்குறியீடுகளுடன் கூடிய நேர்த்தியான சிறு சுட்டிகள் மூலம் டிவிட்டரில் பகிர்ந்து கொள்ள உதவும் தளமே Musebin. ( உ.ம் http://♬.ws/ ) பகிரப்படும் சுட்டிகளின் மூலம் இணைய பக்கமானது பாடல், பாடல் வெளிவந்த வருடம், சாதனை விபரம், முகப்பு உறை படங்கள், மேலதிக தகவலுக்கான இணைப்புகள் மற்றும் பாடகர் பற்றிய டிவீட்டுகளின் தொகுப்பு (stream ) போன்றவற்றை கொண்டிருக்கும்.

நண்பர்களுடன் பாடல்களை கேட்டு பகிர்ந்து மகிழ்ந்திட பயனுள்ள இந்த பதிவினை RT செய்து அவர்களுக்கு பரிந்துரையுங்கள்.



Guest Post By Ganesh Kumar