தமிழ் ட்விட்டர் : முதல் பதில் கிடைத்தது

தமிழில்  ட்விட்டர் தளத்தை வெளியிட/மொழிபெயர்க்க கேட்டு என்ன செய்கலாம் என ஒரு பதிவு எழுதி இருந்தேன்.  இருநூறுக்கும் மேலானோரின் ஆதரவு கிட்டியது.. வாக்களித்தீர்கள், நன்றி தோழர்களே!  நமது கோரிக்கை நிறைவேற்றப்பட இன்னும் நிறைய பேர் தமிழ் த்விட்டருக்காக பதிவு செய்ய வேண்டும். த்விட்டர் தளத்தில் SignIn ஆகி பின் இந்த இணைப்பில் Tamil தனை தேர்வு செய்து Submit செய்யவும். இதன் மூலம் தமிழ் த்விட்டருக்கான உங்கள் வேண்டுகோளைத் தெரிவிக்கலாம். தற்போது நம் கோரிக்கைகள் ஏற்கப்படும் காலம் கனிந்துள்ளது. எப்படி என முதலில் சொல்கிறேன், இறுதியாக நீங்கள் எப்படி வேண்டுகோள் வைக்க வேண்டும் எனக் கூறியுள்ளேன். 

ட்விட்டர் புதிதாக ஆறு மொழிகளில் தன் சேவைகளை விரிவுபடுத்தியது. அதில் இந்தியும் ஒன்று.

http://twitter.com/translator/status/114112947818729472

அண்மையில் ட்விட்டர் தளத்தின் நிறுவனர் @jack ட்விட்டர் குறித்த கருத்துக்களை, அவரோடு பகிர்ந்து கொள்ளும்படி வேண்டுகோள் விடுத்திருந்தார்.இந்த கீச்சினை தோழர் @dheebakg வழியாக அறிந்தேன்! 

http://twitter.com/jack/status/121637765657010178

அந்த ட்வீட் க்கு Reply செய்து தமிழ் மொழியில் ட்விட்டரை வழங்கும்படி கேட்டு இருந்தேன்.

http://twitter.com/karaiyaan/status/122000497979817984 

என் வேண்டுகோளுக்கு மறுமொழியாக @translator இடமிருந்து ஒரு DM வந்தது.  

பின்னர் அவர்களின் கனிவான மறுமொழிக்கு நன்றி கூறினேன்

http://twitter.com/karaiyaan/status/122587582017175552

இது தான் நான் செய்தது: Jack Dorsey அவர்களிடம் வேண்டுகோள் வைத்தேன், அவர்கள் பதில் அனுப்பினார்கள். நான் நன்றி கூறினேன். இந்த வழிமுறையில் ட்விட்டர் தள இயக்குனருடனும், மொழிபெயர்ப்பு சேவை தலைமையுடனும் நேரடியாக தொடர்பு கொள்ள முடிகிறது. நான் ஒருவன் மட்டும் கோரிக்கை வைத்தால் போதுமா? நீங்களும் கோரிக்கை வைக்கலாமே? அதற்க்கு வேண்டிக் கேட்டுக் கொள்ளவே இந்த பதிவு.

ஆனால் ஒரு விசயம் மிக கண்டிப்பாக கூறுகிறேன்.. ““கோரிக்கை ஆங்கிலத்தில் மட்டுமே வைக்க வேண்டும், தயவு செய்து தமிழில் எழுதி அவர்களை எரிச்சலுற செய்ய வேண்டாம். அத்தோடு ஆங்கில சொல்லாடல் மிகவும் பணிவான வார்த்தைகளை கொண்டு மட்டுமே அமைக்க வேண்டும்””. இவ்விரண்டும் இருந்தால் உங்களது வேண்டுகோள் தமிழ் ட்விட்டருக்கு மிக அவசியமாய் இருக்கிறது.

இது குறித்து தோழர்  @f5here   உடன் உரையாடினேன், என்னென்ன முறையில் வேண்டுகோள் வைக்கலாம் எனக் கூறினார். 

“@jack please provide “tamil” support, one the largest regional language user base in twitter @translator”

“@jack when we get our TAMIL language support like hindi @translator”

“@jack we are using 50+ apps to tweet in tamil, replace them by adding Tamil support @translator”

“@jack tamil enjoying official language status in 3 nations, and have very wide online user base.pls add it in @translator”

“@jack , we tamil are most vibrant regional social media community in the world. please add it in @translator”

“@jack please add tamil in @translator , it is one of the longest surviving classical languages in the world”

 இந்த பதிவினை நண்பர்களுடன்  பகிர்ந்த  போது  பெரும்பாலோர் மேலே  உள்ள  எனது  வேண்டுகோள்  கீச்சினை   RT செய்து  இருந்தீர்கள்.  அப்படி அல்ல,  நீங்கள் செய்ய வேண்டியது  இது  தான் . மேலே இருக்கும் @jack ன் கீச்சில் உள்ள " Reply " Option Click செய்து என்னைப் போல ஆங்கிலத்தில்  வேண்டுகோள் வைக்கணும்.

அந்த  கீச்சு  தான்  அவர் ட்விட்டர்  குறித்த  கருத்துக்களைப் பகிரும்படி  கேட்டு  இருப்பது  . அதற்க்கு தான் நீங்கள்  ஆங்கிலத்தில் வேண்டுகோள்  விடுத்து  Reply செய்யணும். எனது  வேண்டுகோளை  RT செய்வதால் மறுபடி மறுபடி நான் ஒருவன்  மட்டுமே  கெஞ்சிக்  கொண்டிருப்பது  போலாகும். தமிழில்  ட்விட்டர்  வேண்டும்  என  விரும்பும்  ஒவ்வொருவரும்  ,  தனித் தனியே  அவருக்கு  வேண்டுகோள்  விடுத்து,  இத்தனை  பேர்  ஆவலாக  இருக்கிறோம்னு  நமது  எண்ணிக்கையைக்  காட்ட வேண்டும்.

ஆங்கிலத்தில்  கேட்பதில்  சிரமம்  இருப்பவர்களுக்கு  சில  உதாரணங்கள்  கொடுத்துள்ளேன்.  விரும்பினால் இதையோ , இதை விட சிறப்பாகவோ ‘ஆங்கிலத்தில்’ வேண்டுகோள் விடுங்கள்!. இந்திக்குப் பின் வேறு ஏதேனும் ஒரு இந்திய மொழியில் ட்விட்டர் வருவதென்றால் அது தமிழில் தான் இருக்க வேண்டும். அந்த முடிவுக்கு அவர்களை வர வைப்பது, நாம் Jack Dorsey க்குப் போடும் Reply ல் , மற்றும் ட்விட்டர் தளத்தில் இந்த இணைப்பில் Tamil ஐத் தேர்ந்தெடுத்து Submit செய்வதில் தான் இருக்கிறது.

 நீங்கள் வேண்டுகோள் விடுத்து  உங்களுக்கு  அதற்க்கு  பதில்  வரவும் வேண்டுமென  விரும்பினால்  @support , @feedback , @translator , @jack , @twitter ட்விட்டர் கணக்குகளை பின்பற்றியாக வேண்டும், அப்போது  தான்  அவர்கள் மறுமொழி அனுப்ப இயலும். நீங்களும் அவர்களுக்கு பதில் DM அனுப்ப இயலும்.  இது  தவிரவும்  ட்விட்டர் குறித்து  மேலும்  வேறு எந்த கருத்து/வேண்டுகோள்  இருந்தாலும்  கூட  நீங்கள் @jack ன் கீச்சின் வழியே ஆங்கிலத்தில் தெரிவிக்கலாம்.ஆனால்  இந்த  கீச்சுக்கு  மறுமொழியாக  தான்  உங்கள்  வேண்டுகோள்  இருக்க  வேண்டும்  என்பதே  முக்கியமான  விடயம். மேலும்  ஏதும்  ஐயங்கள் இருப்பின் ட்விட்டர் வழியே  எனக்கு ( @karaiyaan ) DM  செய்யவும்.

மேலும்  தமிழ்  ட்விட்டர்  குறித்த  உங்களது  கருதுகோள்களை  எங்களுடன் @karaiyaan @vedhaLam @thamiziniyan  பகிர்ந்திடலாம், TwiTamils.com  தமிழ் கீச்சர்களுக்காகவே  துவங்கி  உள்ளோம்.  உங்களின்  ஆதரவு  தேவை தோழர்களே!

நண்பர்களையும்  வாக்களிக்க  வேண்டுகோள்  விடுக்கலாம்!

Tweet

#TNfollow பட்டி

     ட்விட்டரில் யாரை பின்பற்றுவது(Follow) செய்வது என்பதை தீர்மானம் செய்வது ரொம்ப சிக்கலானது. முதலில் நமக்கு பிடித்த ஒருவரை ஃபாலோ செய்ய வேண்டும். பின்னர் அவர் யாரை ஃபாலோ செய்கிறாரோ அல்லது, அவரை யார் ஃபாலோ செய்கிறார்களோ, அவர்களில் நமக்கு பிடித்தவர்களை தேடிப்பிடித்து ஃபாலோ செய்வதற்குள் போதும் போதுமென்று ஆகிவிடும். வெளிநாட்டு ஆங்கில ட்விட்டர்கள் இந்த வேலைக்கு சுலபமான ஒரு வழி வைத்திருக்கின்றனர். என்னவென்றால் #followfriday என்ற HashTag பட்டியைப் பயன்படுத்துகிறார்கள்.

Hash Tag என்றால் என்ன?

ஹேஷ்டேக் #HashTag என்பது, எதாவது முக்கியமான குறிச்சொல் முன்னர் # என்று போடுவது. உதாரணமாக #ilaiyaraja இளையராஜா பற்றி யாரேனும் எதாவது ட்வீட்டுகின்றனர் என்றால் இந்த #ilaiyaraja ஹேஷ்டேகை அவர்களின் ட்வீட்டில் சேர்க்க வேண்டும். #ilaiyaraja என்கிற ஹேஷ்டேக் ட்வீட்டில் எங்கு வேண்டுமானாலும் இருக்கலாம்.

ஹேஷ்டேகை யாரேனும் க்ளிக்கினாலோ, அல்லது தேடினாலோ, அந்த குறிப்பிட்ட ஹேஷ்டேக் உள்ள அனைத்து ட்வீட்டுகளையும் பார்க்க முடியும். ஆகையால், #ilaiyaraja என்ற ஹேஷ்டேகை க்ளிக்கும் போது இளையராஜா பற்றிய அனைத்து ட்வீட்டுகளையும் படிக்க முடியும்.

மிகவும் அதிகம் விவாதிக்கப்படும், பயன்படுத்தப்படும் ஹேஷ்டேக், ட்விட்டர் பக்கத்தில் trend listல் வரும். உதாரணமாக, சில வாரங்களுக்கு முன் நடந்த மும்பை குண்டுவெடிப்பின் போது #mumbaiblast என்ற ஹேஷ்டேக் ட்ரெண்டில் இருந்தது. இந்த ஹேஷ்டேகை படித்தவர்கள் உடனுக்குடன் மும்பை குண்டுவெடிப்பு பற்றி தெரிந்து கொள்ள முடிந்தது.

சரி, #followfriday எப்படி உருவானது? எப்படி வேலை செய்கிறது?

      
     16 ஜனவரி 2009ல் @Micah Baldwin என்பவர் "Iam starting Follow Fridays. Every Friday, suggest a person to follow, and everyone follow him/her" என்று ட்வீட்டினார். அதற்கு அவர் நண்பர்  Mykl Roventine என்பவர் "@micah Great idea! You need a hashtag for that - #followfriday". இது உடனடியாக தீப் போல் பற்றிக் கொண்டது. யார் யார் அவர்களுக்குத் தெரிந்த நல்ல ட்வீட்டர்களை பிறருக்கு அறிமுகப்படுத்த, இந்த #followfriday ஹேஷ்டேகை பயன்படுத்த ஆரம்பித்துவிட்டனர்.

      முதலில் வெள்ளிக்கிழமை மற்ற சக ட்வீட்டர்களை அறிமுகப்படுத்த என்று ஆரம்பித்து பின்னர், என்றைக்கு வேண்டுமானாலும் பயன்படுத்தக் கூடியதாகி விட்டது. #followfriday மருவி #FF எனவும் ஆனது. ஆக, புதிதாக ஆங்கிலத்தில் ட்விட்டர்களைத் தேட விரும்புவோர் #followfriday அல்லது #FF என்று தேடினாலோ, இல்லை அந்த ஹேஷ்டேகுகளை கிளிக்கினாலோ போதும், பிறர் அறிமுகப்படுத்தும் பல ட்விட்டர்களை சுலபமாகக் கண்டுபிடித்துவிட முடியும்.

#followfriday பயன்படுத்துவோர் வெறும் ட்விட்டர் பெயர்களை மட்டும் சொல்வதில்லை, அவர்களைப் பற்றி சிறு குறிப்பையும் சேர்க்கின்றனர். "#followfriday @techcrunch @cnet" என்று மொட்டையாக கூறாமல், "To know latest tech updates follow : @techcrunch @cnet #followfriday", என்று ட்வீட்டுகின்றனர். இதனால் #followfriday ஹேஷ்டேக் ட்விட்டர் உலகில் மிகவும் பிரபலமான ஹேஷ்டேகாகக் கருதப்படுகின்றது. வாரந்தோறும் வெள்ளிக்கிழமை இதனை ட்விட்டர் World Trending Topics ல் காணலாம். சரி தமிழ் கீச்சர்களுக்கு நாம் என்ன #HashTag செய்யலாம். ஆரம்ப காலத்தில் தமிழ் கீச்சர்களும் ஆங்கில கீச்சர்களின் பட்டிகளையே பயன்படுத்தி வந்தோம். தோழர் @TBCD (@TPKD_) அறிமுகப்படுத்திய #TNfisherman tag க்குப் பின் தமிழ் கீச்சுகளுக்கு தனி பட்டிகள் பயன்படுத்தும் எண்ணம் பரவலானது. #TNmusic , #TNeco , #TNmovies , #TNae11 என தமிழில், தமிழ் கீச்சர்களுக்காக த்வீட்டப் படுவதில் #TN முன் ஒற்று பட்டிகளில் சேர்த்துக் கொண்டோம்.

தற்போதைய தமிழ் கீச்சுலகம் மிக அதிகம் பேரை ஈர்த்துள்ளது. ஒவ்வொரு வாரமும் புதிய கீச்சர்களை மற்றவர்க்கு அறிமுகம் செய்யவும், அனுபவ கீச்சர்களை புதியவர்களுக்குப் பரிந்துரைக்கவும் நாமும் ஒவ்வொரு வெள்ளியன்றும் பட்டி மூலம் பரிந்துரைக்கலாம். வெள்ளிக் கிழமை தான் அடுத்து வரும் இரண்டு விடுமுறை நாள்களை கணக்கில் கொண்டு உற்சாகமாக த்வீட்டுவோம், வெள்ளிக்கிழமை தான் மிக அதிக த்வீட்கள் பகிரப்படும் நாள். எனவே அன்று #TNFF அல்லது #TNfollow என்ற பட்டியைப் பயன்படுத்தலாம். #TNfollow என்பது விளக்கமாகவும், சுருக்கமாகவும் இருக்கும்.

பதிவு : @kuumuttai

இந்த பதிவினை நண்பர்களுடன் பகிர்ந்திட கீழே உள்ள Tweet பொத்தானை அழுத்தவும்!

Tweet

TwiTamils.com உடன் இணைந்திடுங்கள்

அன்பு நண்பர்களே,

          தங்களின் மேலான ஆதரவினால் TwiTamils.com தளத்தினை துவங்கி நடத்தி வருகிறோம், ட்விட்டர் குறித்த பதிவுகளும் , கீச்சர்களை அறிமுகம் செய்தும் , வலைபாயுதே கீச்சுகளை தொகுத்தும், ட்விட்டர் பட்டிகளின் அடிப்படையில் கீச்சுகளை தேடித் தொகுத்தும் வருகிறோம். இன்னும் மேலும் பல புதிய பகுதிகளை தளத்தில் இணைக்க உள்ளோம். தமிழ் கீச்சர்களுக்கான ஒரு முழுமையான தளமாக TwiTamils.com தனை மேம்படுத்த முயன்று கொண்டே இருக்கிறோம். ஒரு சிலரின் பங்களிப்பாக இவை இல்லாமல், உங்கள் ஒவ்வொருவரின் பங்களிப்பும் இதில் வேண்டும். ஏனெனில் இது தமிழ் கீச்சர்கள் நாம் அனைவருக்குமான தளம். தளத்தில் நீங்களும் ஒரு பதிவராக இணையலாம். அதற்கான வாய்ப்புகளைப் பற்றியே இந்த பதிவு!

     1. பதிவுகள் : ட்விட்டர் கருவிகள் , வசதிகள் , பயன்படுத்தும் முறைகள் குறித்த பதிவுகளை தமிழில் எழுதலாம். ட்விட்டர் குறித்த தகவல்கள் இணையத்தில் கடலென கொட்டிக் கிடக்கின்றன. அவற்றை எளிய தமிழில் இலகுவாக புரிந்திடும் வகையில் தருவது நம் நோக்கம். ஒரு இணைய தளத்தில் உள்ள பதிவை அப்படியே தமிழ் படுத்தக் கூடாது, மேலும் அது குறித்து நிறைய தேடி வாசித்து , அவற்றை சோதித்துப் பார்த்த பின் உங்களது நடையில் எழுத வேண்டும்.

2. ட்விட்டர் பட்டிகள் : நம் தளத்தில் #FamousLies #140Story  .. போன்ற ட்விட்டர் பட்டிகளைக் கொண்டு வெளியிடப்பட்ட கீச்சுகளைத் தேடித் தொகுத்து வெளியிட்டு இருக்கிறோம். அது போல் தமிழ் கீச்சர்கள் எழுதும் பட்டிகளைத் தொகுத்து தரலாம்.

3. கீச்சர் விருப்பம்: புதிய பகுதியாக இணைக்க உள்ளோம். நல்ல கீச்சுகளை தேடித் தொகுத்து தருவதும், கீச்சுத் தேர்வு ஒருவரின் விருப்பமாக இல்லாமல் ஒவ்வோரின் விருப்பமாகவும் இருக்க வேண்டும் என்பதும், பல புதியவர்களின் நல்ல கீச்சுகளை நம் தளத்தின் வழியாக பரவச் செய்வதும் நோக்கம். மிக குறைவானவர்களையே நீங்கள் பின்பற்றினால் உங்கள் கவனத்திற்கு வராத அருமையான கீச்சுகளாக இருக்கும். நீங்கள் அதிகம் ரசித்த கீச்சுகளை இதன் மூலம் பகிரலாம். ஒரு பதிவிற்கு இருபது கீச்சுகள் வீதம் எத்தனை பதிவுகள் வேண்டுமானாலும் இடலாம். யாரையும் புண்படுத்தாத கீச்சுகள் மட்டுமே அனுமதிக்கப்படும். கீச்சுகளை வாசித்து ஏற்றுக் கொள்ளக் கூடியவற்றையே தேர்ந்தெடுப்போம். ஆங்கில கீச்சுகளுக்கு அனுமதி இல்லை. உங்களுடைய கீச்சை நீங்களே இணைக்க இயலாது. ஒருவரின் ஒரு கீச்சுக்கு மேல் இதில் இணைக்க இயலாது, அடுத்த பதிவில் இணைத்துக் கொள்ளலாம்.

4. கீச்சர்அறிமுகம்  : பல புதிய கீச்சர்கள் மிக அழகாக கீச்சுகிறார்கள். அவர்களை நம் தளத்தின் மூலமாக பலருக்கும் அறிமுகப்படுத்தி, புகழ்ப்படுத்தும் முயற்சி இது. நீங்கள் அதிகம் ரசித்த கீச்சரை இதன் மூலம் அறிமுகப்படுத்தலாம். அவரின் கீச்சுகளில் இருந்து சிறந்த முப்பது கீச்சுகளைத் தேடி, அவரின் பெயர், இடம், சுயவிவரம், வலைப்பூ, தமிழ் ட்விட்டர் குறித்த அவர் கருத்தும் பெற வேண்டும். எடுத்துக்காட்டுகள் @balu_sv , @SoniaArun

5. கீச்சர்பதிவுகள் : நம் தமிழ் கீச்சர்களின் வலைப்பதிவுகளை குறும்படங்களை பிரபலப்படுத்தும் முயற்சி இது. நீங்கள் வாசித்து ரசித்த , தமிழ் கீச்சரின் சிறந்த பதிவொன்றை , குறும்படத்தினை பரிந்துரைக்கலாம். வாரத்திற்கு ஒன்றாக வலையேற்றுவோம். இதில் தேர்வு செய்வது தமிழ் கீச்சர்களின் வலைப்பூக்களில் இருந்து மட்டுமே இருக்கும். நகைச்சுவை , கதைகள், சமூக வலைத்தளம் குறித்த பதிவாக இருந்தால் மிக நலம்.

தமிழில் ஐந்தாயிரத்திற்க்கும் மேற்பட்ட பதிவர்கள் இருந்தாலும் அதில் வெகு சிலரே ட்விட்டரில் இருக்கிறார்கள். இணையத்தில் இயங்கும் தமிழர்கள் அனைவரையும் ஒன்றுபடுத்திடும் கருவியாக ட்விட்டரை மாற்றுவதே நம் நோக்கம். அதற்கான முயற்சிகளை செய்து வருகிறோம். WordPress, Twitter , pulveli.com , Libre Office, என தமிழ் மொழிப்பெயர்ப்பு செய்வதற்கான பல தேவைகள் உள்ளன. அது குறித்து விரிவாக எழுதுகிறேன். அவற்றிலும் நம் பங்களிப்பு தேவை.

மேலதிகமாக நமது தளத்தில் உங்கள் ட்விட்டர் கணக்கின் மூலம் நுழைந்து(SignIn) பின்னூட்டங்களை(comments) இட முடியும். மேலும் நீங்கள் எழுதும் ஒவ்வொரு பதிவின் கீழும், Tweet Buttonல் உங்களது ட்விட்டர் பெயர் இணைக்கப் பட்டிருக்கும். அதன் கீழ் உங்களது வலைப்பூ அல்லது தளத்தின் முகவரியும் கொடுக்கலாம். உங்களது பதிவு ட்விட்டரில் பகிரபட்டால் உங்களுக்கு @mention மூலம் தெரிந்து விடும். நம் தளத்தின் மூலமாக உங்களுக்கு பயன் கிடைப்பது உறுதி.

வலைபாயுதே பகுதி விகடனின் தேர்வு ஆதலால் அதைத் தவிர மற்ற அனைத்து பதிவுகளிலும் பயனுள்ள, நகைச்சுவையான, கருத்துச் செறிவுள்ள, தனி மனித விமர்சனங்கள் அற்ற, தவறான வார்த்தைகள் இல்லாத, அரசியல் கட்சிகள் பற்றி அல்லாத, யாரையும் புண்படுத்தாத கீச்சுகள் மட்டுமே அனுமதிக்கப்படும்.

Twitamils தளத்தில் பங்காற்ற விரும்பினால் @karaiyaan @vedhaLam தொடர்பு கொள்ளலாம்.